AF222a: 25r

t‑q

Bezm‑ki olmazdı maḥrem gėceler
Olmasa ey māh‑i saʿd‑aḫter çerāġ

Naẓmiyā meclisde her şeb germ olup
Şevqini cānāne ʿarż eyler çerāġ

[Naẓmī]

qaṣīde

hezec: mefāʿīlün ‑ mefāʿīlün ‑ mefāʿīlün ‑ mefāʿīlün

Hevā‑yi ʿışquña düşdüm benüm ṣabrum qarārum yoq
Boyun ṭutdum ġamuñ şimşīrine andan firārum yoq

Senüñ var baña beñzer bī‑nevā bir niçe ʿuşşāquñ
Benüm saña müşābih naqşı dil‑keş bir nigārum yoq

Senüñ niçe benüm gibi fütādeñ var‑durur ammā
Benüm cānā senüñ gibi bütün dünyāda yārum yoq

Dil ü cān milketine ḥükm ėder cānā senüñ gibi
Hilāl‑ebrū qamer‑ṭalʿat benüm bir şehriyārum yoq

Bu‑gün meydān‑i ḥüsn içre öñine kimseler geçmez
Senüñ gibi güzeller serveri bir şeh‑süvārum yoq

Yoluñda öldügüm görüb baña ḫışm ėtme luṭf eyle
Yolında öldügüm pes ġayretüm var iḫtiyārum yoq

Nis̱ār içün ayaġuñ tozına ey pādişāh‑i ḥüsn
Cihānda Naẓmiyem cān cevherinden özge varum yoq

ġazel‑i Naẓmī

remel: fāʿilātün – fāʿilātün ‑ fāʿilātün – fāʿilün

Nār‑i ġamda naẓar ėdüb dil‑i biryānumuza
Raḥm ėdüb luṭfuñla gelseñ bir yanumuza

Şād ėdüb ḥāṭırumuz [!] ġamdan olur defʿi küşād
Yār şol dem ki gele külbe‑i aḥzānumuza

Qanı ol‑dem ki ̮ėrişüb ʿīd‑i viṣāle ol‑dem
Cānumuz ʿışq‑ile qurbān ola cānānumuza

Ey qadeḥ hem‑dem olub laʿl‑i leb‑i yāre müdām
Göze göz niçe bir odlar yaqasın cānumuza

Ḫusrev‑i milket‑i naẓm olduġumuz Naẓmī bizüm
Bilür anlar ki naẓar eyleye dīvānumuza

[Naẓmī]

ġazel

remel: fāʿilātün – fāʿilātün ‑ fāʿilātün – fāʿilün

Zülf‑i ser‑keş kim varur her dem leb‑i cānānuma
Gūyiyā bir mārdur kim qaṣd ėder ol cānuma

Ey leb‑i cānānuma leẕẕetde qandi beñzeden
Qanda beñzer qand leẕẕetde leb‑i cānānuma

Qanı ol gün kim gelüb ol māh‑i